सिलगढ़ी, 21 फरवरीः डुवर्सको वीरपाडामा बिहीवार अबेर राति भएको सड़क दुर्घटनामा परी पाँचजना मृत्यु भएको छ, जबकि एक व्यक्ति गम्भीर घाइते भएका छन्।
पुलिस सूत्रका अनुसार यो दुर्घटना हिजो मध्यराति भएको हो। दुर्घटनामा परी ज्यान गुमाउनेहरूमा असरफ अली (35), वरुण सरकार (34), मनोज शाह, मिथुन दास (32) र सञ्जय विश्वास (31) छन्।
गम्भीर घाइते हुने व्यक्तिको नाम शिव मण्डल हो, जसको उपचार अहिले सिलगढ़ीको एक नर्सिङ होममा चलिरहेको बताइएको छ।
यो भीषण दुर्घटना फालाकाटा रोडस्थित डिमडिमा पुल नजिक भएको हो। उनीहरू सवार वाहनले सड़क किनारमा रोकिराखेको ट्रकलाई जोड़ले हिर्काउँदा यो बीभत्स दुर्घटना भएको पुलिस सूत्रको भनाइ छ।
वाहन अत्यधिक तीव्र गतिमा रहेको कारण नै यति भयावह दुर्घटना भएको थप बताइएको छ। मृतकहरूले पेशाले व्यवसायी हुन्।
वीरपाडामा उनीहरूको पसल रहेको कारण नै शोक व्यक्त गर्दै आज बजार आंशिक रूपमा बन्द राखिएको छ।
