कालेबुङ, २१ अप्रेल: राष्ट्रिय राजमार्ग १० अन्तर्गत रम्बी छेउ आज वाहन दुर्घटना हुँदा दुईजनाको मृत्यु भएको छ।
रम्बी पुलिसले दिएको जानकारीका अनुसार सिलगढीबाट कालेबुङतर्फ गइरहेको डब्ल्यूबी ७३ए २९२३ नम्बरको माजदा वाहन रम्बी होटल लाइन छेउ मूल सडकबाट सोझै खस्दा कालेबुङनिवासी ३२ वर्षीय अभियान छेत्री र ३६ वर्षीय ललित छेत्रीको घटनास्थलमै मृत्यु भएको छ।
यो दुर्घटना आज अपराह्न करिब १:३० बजे भएको पुलिसले थप जानकारी गराएको छ।
जानकारीका अनुसार अभियान छेत्री कालेबुङ बोङ बस्तीनिवासी हुन् भने ललित छेत्री कालेबुङ ४ माइल निवासी हुन्। रम्बी पुलिसले घटनास्थलबाट दुवैवटा शव निकाएर पोस्टमर्टमका लागि कालेबुङ अस्पताल पठाएको छ।
