नाम्ची, २१ जूनः मङ्गलवार बिहान नाम्चीमा वाहन दुर्घटना हुँदा एकजनाको मृत्यु भएको छ । मृतकका नाम सुरज राई बताइएको छ ।
यो दुर्घटना आज बिहान करिब ९.३० बजे नाम्चीको गान्तोक रोडस्थित नयाँ पेट्रोल पम्प छेउ भएको हो।
जानकारीका अनुसार एसके ०५ पी ०८१५ नम्बरको बोलेरो एउटा ट्याक्सीसँग ठोकिँदा उक्त बोलेरो माथिल्लो सडकबाट लडेर तल्लो सडकमा पुगेको थियो ।
बोलेरो र ट्याक्सीको ठक्करमा बोलेरो चालक सुरज राई र ट्याक्सी चालक निमसाङ शेर्पा घाइते भएका थिए। दुवैलाई तत्कालै नाम्ची जिल्ला अस्पताल लगिएको थियो, जहाँ उपचाराधीन अवस्थामा सुरज राईको मृत्यु भयो भने निमसाङ शेर्पाको उपचार चलिरहेको छ।
जानकारीका अनुसार निमसाङ शेर्पालाई सामान्य चोट लागेको छ।
