मुम्बई, 21 नोभेम्बरः बलिउडमा ड्रग्स कनेक्सन उदाङ्गो भएपछि नारकोटिक्स कन्ट्रोल ब्युरो (एनसीबी)-ले कारबाही शुरू गरेको छ।
यसैक्रममा एनसीबीले चर्चित हास्य कलाकार भारती सिंहलाई पक्राउ गरेको छ।
यसभन्दा अघि टिमले शनिबार बिहान कमेडियन भारती सिंह र उनका पति हर्ष लिम्बाचियाको घरसहित भारती सिंहको प्रोडक्शन हाउसमा छापा मारेको थियो।
यी दुवै ठाउँबाट 86.5 ग्राम गाँजा बरामद गरिएको बताइएको छ।
भारती र हर्षले गाँजाको सेवनलाई स्वीकार गरेका छन्।
उल्लेखनीय छ, अभिनेता सुशान्त सिंह राजपुतको मृत्युपछि बलिउडसँग जड़ित ड्रग्स मामिलामा बलिउडका धेरै अभिनेता-अभिनेत्रीको नाम प्रकाशमा आइसकेको छ।
