गान्तोक, २२ मार्चः सर टाशी नामग्याल सिनियर सेकेन्डरी स्कूलमा आज विश्व कविता दिवस पालन गरियो।
यसै स्कूलको एनएसएस युनिटको आयोजन तथा साथीको सहयोगमा विश्व कविता दिवस पालन गरिएको हो, जसमा स्कूलका सहशिक्षिकाहरू क्रमैले मणिका शर्मा (एनएसएस संयोजिका), हेमलता गुरुङ ( साथी संयोजिका), जुलियाना तामाङ, रिञ्जिङ ओङ्मु लेप्चा, ज्योत्स्ना गिरी, पूनम छेत्री अनि फुरकित लेप्चाले विभिन्न भाषामा स्वरचित कविता वाचन गरे।
त्यसैगरी विद्यार्थीहरू क्रमैले गौरव दर्जी, केशव शर्मा र दिपेन छेत्रीले पनि आ-आफ्नो स्वरचित कविता वाचन गरेका थिए। कार्यक्रमको विषय कविताद्वारा समाजको जागरण रहेको थियो।
