सिलगढ़ी, 22 जून : अप्पर बाघडुग्राको पानीघट्टा मोडमा दुईवटा बाइक परस्परमा ठोकिँदा दुईजना घाइते भएका छन्। यो दुर्घटना शनिवार अपराह्न भएको हो।
जानकारीका अनुसार दुवैजनालाई गम्भीर चोट लागेको छ। घाइते दुवैलाई बाघडुग्रा हेल्थ केयरमा भर्ती गरिएको छ। पुलिसका अनुसार एउटा बाइक बेङ्गुबी आर्मी अस्पताल तथा अर्को बाइक गान्धी मेमोरियल हाई स्कूलतर्फबाट आइरहेका थिए।
अर्कोतिर यी दुई बाइक जुन ठाउँमा परस्परमा ठोकिए, त्यहाँ ट्राफिक पुलिस तैनाथ गरिनुपर्ने माग स्थानीयहरूले धेरै दिनदेखि माग गर्दै आइरहेका थिए। यद्यपि स्थानीय मानिसहरूको मागबारे स्थानीय पुलिस प्रशासनले कानमा तेल हालेर बसेको छ।
ट्राफिक पुलिस तैनाथ नगरिएकै कारण आज दुई बाइक पस्परमा ठोकिएको स्थानीय मानिसहरूको भनाइ छ। एशियन हाइवेले अन्डर पास अथवा ओभर ब्रिज बनाउन विफल बनेपछि यो क्षेत्र दुर्घटना जोनमा परिणत भएको छ।
