सिलगढी, २२ जुलाईः राष्ट्रिय राजमार्ग -१० मा अन्तर्गत रम्बी र कालीझोडाबिच पर्ने २० माइलमा वाहन दुर्घटना हुँदा एकजनाको मृत्यु भएको छ भने अन्य ६ जना यात्रु घाइते भएको बताइएको छ ।
आज मङ्गलवार अपराह्न सिलगढीबाट पश्चिम सिक्किम गइरहेको एसके ०२ जे १०२२ नम्बरको यात्रीवाहक वाहन र सिलगढीतर्फ गइरहेको मालवाहक वाहन परस्परमा ठोकिँदा यो मर्मान्तिक घटना भएको हो ।
रम्बी पुलिसका अनुसार यस दुर्घटनामा परी यात्रीवाहक वाहनका चालकको मृत्यु भएको छ ।
मृतक चालकका नाम अनिल तामाङ बताइएको छ ।
जानकारीका अनुसार उनी पश्चिम सिक्किमको गेजिङ निवासी हुन् । रम्बी ग्रामीण अस्पताल उपचारका क्रममा चालक तामाङको मृत्यु भएको हो ।
घाइते अन्य यात्रीहरूका उपचार पनि यसै अस्पतालमा भइरहेको छ ।
