सिलगढ़ी, 21 अगस्त : उत्तरबङ्ग विश्वविद्यालयमा अध्ययनरत एक विद्यार्थी कमलपुर चियाकमान नजिक रहेको नदीमा डुब्दा मृत्यु भएको छ। यो घटना बुधवार अपराह्न भएको हो। जानकारीका अनुसार मृतक छात्र किञ्जोल सेन हो। उनी सिलगढ़ी कोर्टमोड़ निवासी थिए।
जानकारीका अनुसार किञ्जोल सेन आफ्ना चार अन्य मित्रसँग नुहाउनका लागि उक्त नदीमा गएका थिए। नुहाउँदै पाँचैजना नदीको बीचमा पुगे। तर किञ्जोल सेन पौड़ी खेल्न सकेनन्। जसको फलस्वरूप नदीमा डुबे।
उनका साथीहरू पनि पौड़ी खेल्न नजान्ने हुनाले किञ्जोललाई बचाउन सकेनन्। किञ्जोल नदीमा डुबेको देखेर उनका साथीहरू केवल चिच्याउन सकेका थिए। यसपछि करिब एकघण्टापछि स्थानीय गोताखोरहरूले नदीबाट किञ्जोललाई निकाल्न सफल भए। यद्यपि त्यसबेला किञ्जोलको मृत्यु भइसकेको थियो।
