सिलगढ़ी, २३ मईः सिलगढ़ीमा थप एक युवक कोरोना सङ्क्रमित रहेको पुष्टि भएको छ।
जिल्ला स्वास्थ्य विभाग सूत्रका अनुसार सिलगढ़ी ४ नम्बर वार्डको आदर्श नगरनिवासी २८ वर्षीय युवक कोरोना सङ्क्रमित पाइएको छ।
जानकारीका अनुसार ती युवक बाहिर काम गर्ने गर्थे भने केही दिनअघि सिलगढ़ी फर्केका थिए। यी युवकको टेस्ट आज पोजिटिभ आएको हो।
यससँगै सिलगढ़ी क्षेत्रमा कोरोना सङ्क्रमित सङ्ख्या ५ पुगेको छ।
उल्लेखनीय छ, पछिल्ला केही दिनयता सिलगढ़ीमा एकपछि अर्का गरी कोरोना सङ्क्रमित मामिला प्रकाशमा आइरहेको छ।
यसभन्दा अघि पछिल्लो १८ मईका दिन सिलगढ़ी नगरनिगमका वार्ड नम्बर ६ स्थित डाँगीपाड़ा र वार्ड नम्बर २७ स्थित बाबुपाड़ानिवासी एक-एक व्यक्ति कोरोना सङ्क्रमित रहेको पुष्टि भएको थियो।
त्यसपछि भोलिपल्ट अर्थात् १८ मईका दिन डाँगीपाड़ानिवासी कोरोना सङ्क्रमित फल विक्रेताका १० वर्षीय छोरो पनि कोरोना सङ्क्रमित रहेको पुष्टि भएको थियो।
यसैगरी पछिल्ला २१ मईका दिन मतिगढ़ास्थित पतिरामजोतनिवासी ३२ युवक पनि कोरोना सङ्क्रमित पाइएको थियो।
करिब ६ दिनभित्र सिलगढ़ीमा कोरोना भाइरसका ५ मामिला प्रकाशमा आएपछि शहरवासीलाई कोरोना डरले सताउन थालेको छ।
