गान्तोक, 23 नोभेम्बरः तिमी चिया बगानमा आयोजित तीनदिने तिमी शरद् उत्सवको आज समापन भयो।
समापन कार्यक्रममा मुख्यमन्त्री पीएस गोले मुख्य अतिथि रहेका थिए।
उनले आफ्नो सम्बोधनमा तिमी नामफिङ निर्वाचन क्षेत्रका लागि विभिन्न योजनाको घोषणा गरे।
मुख्यमन्त्रीले यस क्षेत्रका जनताको फाइदाका लागि सरकारले जतिसक्दो सहयोग गर्ने वचन दिए।
उनले यहाँ पर्यटन बृहत् परियोजनाअन्तर्गत भोटिया, नेपाली र लेप्चा घर बनाइदिने घोषणा गरे।
यसका साथै गोलेले तिमी चिया बगानमा अवस्थित सार्वजनिक कार्यक्रमस्थलको बढ़ोत्तरी गरेर यहाँसम्म आउने सड़कको कार्पेटिङ पनि चाँड़ै गरिने घोषणा पनि घोषणा गरे।
यस अवसरमा राभाङलानिवासी भवानी गुरुङको बत्ती परियोजनाको पनि उनले विमोचन गरे।
उनले यहाँ मुख्यमन्त्री गरीब आवास योजनाअन्तर्गत प्रतिवर्ष सरकारले 20 वटा घर बनाइदिने पनि घोषणा गरे।
मुख्यमन्त्रीले भारतीय जनता पार्टी र सिक्किम क्रान्तिकारी मोर्चा पार्टी भाई-भाई हो भन्दै मिलीजुली सामूहिक विकासको काम गर्न आह्वान गरे।
