खरसाङ, २४ अक्टोबरः खोला लड़ेर डुब्दा २९ वर्षीय एक युवतीको मृत्यु भएको घटना प्रकाशमा आएको छ।
जानकारीका अनुसार यो घटना आज अपराह्न बेलटारस्थित एक खोलामा भएको हो।
मृतक युवती दिलाराम चियाबारीनिवासी हुन्। जानकारीका अनुसार उनी आफ्ना परिवारसँग बेलटार खोला फेमिली पिकनिकमा गएकी थिइन्।
युवतीको शव पोस्टमर्टमका लागि खरसाङ अस्पताल ल्याइएको छ। भोलि (सोमबार) पोस्टमर्टम गरी परिवारलाई शव सुम्पिइनेछ।
