 |
| आँखा जाँच गर्दै डा. पेकिला लामा। |
मिरिक, 22 जुलाई : आइतवार मिरिकको कृष्ण नगर क्लबमा निःशुल्क आँखा जाँच शिविर सम्पन्न भयो। यो शिविर भिजन आई केयर र दार्जीलिङ इनिसिएटिभको संयुक्त आयोजनमा सम्पन्न भएको थियो, जसमा स्थानीय लगभग 50 जना मानिसहरूले आ-आफ्नो आँखा जँचाएका थिए। बिहानैदेखि मुसलधारे पानी परेकोले यतिका सङ्ख्याका मानिसहरूले मात्र आफ्नो आँखा जँचाउन समक्ष भएका थिए।
यो आँखा जाँच शिविरमा डा. पेकिला लामाले जाँच जाँच गरेका थिए भने उनलाई सीनियर अप्टोमेट्रिस्ट सी सिक्दरले सहयोग गरेका थिए। स्मरणरहोस्, भिजन आई केयर र दजार्जीलिङ इनिसिएटिभले मानिसहरूलाई दृष्टिविहीन हुनुबाट जोगाउनका लागि विभिन्न ठाउँमा निःशुल्क आँखा जाँच शिविर आयोजन गर्दै आएको छ।
