दार्जीलिङ, 25 अगस्तः दार्जीलिङ पहाड़मा प्रायः प्रतिदिनजस्तो कोरोना सङ्क्रमण बढ़िरहेको छ।
यसैक्रममा आज दार्जीलिङ नगरपालिकानिवासी 9 जना कोरोना सङ्क्रमित रहेको पुष्टि भएको छ।
दार्जीलिङका जिल्लाशासकले दिएको जानकारीका अनुसार दार्जीलिङ नगरपालिकानिवासी 9 जनालगायत सुकनाका 4 जना, पुलबजारका एकजना, सुकेपोखरीका 3 जना र तकदाका एकजना कोरोना सङ्क्रमित बनेका छन्।
यसैगरी जिल्लाशासकका अनुसार नक्सलबारी ब्लकमा 18, मतिगढ़ा ब्लकमा 27, दार्जीलिङ जिल्लाअन्तर्गत पर्ने सिलगढ़ी नगरनिगमका 33 वटा वार्डबाट 18 जना, जलपाइगढ़ी जिल्लाभित्र पर्ने सिलगढ़ी नगरनिगमका 14 वटा वार्डबाट 28, खोरीबारीबाट 6 र फाँसीदेवाबाट एक गरी आज कोरोना भाइरसका 88 नयाँ मामिला प्रकाशमा आएको छ।
अर्कोतिर, तीनवटा कोभिड अस्पताल र होम आइसोलेशन गरी आज कुल 50 जना स्वस्थ भएर छुट्टी पाएको पनि जिल्लाशासकले जानकारी गराएका छन्।
