सिलगढ़ी, २५ अक्टोबरः कोरोना भाइरसका कारण मार्च २०२० देखि बन्द रहेको बन्द रहेका स्कूल-कलेजहरूमा आउँदो १६ नोभेम्बरदेखि पठनपाठन पुनः सुचारू हुनेछ।
मुख्यमन्त्री ममता ब्यानर्जीले आज सिलगढ़ीमा आउँदो १६ नोभेम्बरदेखि राज्यका स्कूल-कलेज खोलिने घोषणा गरिन्।
मुख्यमन्त्रीका अनुसार १६ नोभेम्बरका नवौँ श्रेणीदेखि बाह्रौँ श्रेणीसम्मका पठनपाठन शुरू हुनेछ।
त्यसैगरी महाविद्यालय र विश्वविद्यालय पनि खोलिनेछन्।
आज स्थानीय उत्तरकन्यामा आयोजित प्रशासनिक बैठकमा मुख्यमन्त्रीले मुख्य सचिव एचके द्विवेदीलाई स्कूल खोल्नका लागि तयारी शुरू गर्ने निर्देश दिइन्।
यस बैठकअवधि उनले १५ नोभेम्बरदेखि स्कूल, कलेज खोलिने बताएकी थिइन्, तर १५ नोभेम्बरका दिन बिरसा मुण्डा जयन्ती परेकाले स्कूल, कलेज १६ नोभेम्बरदेखि खोलिने बताइन्।
कोरोना भाइरसको प्रकोपका कारण पछिल्ला डेढ़ वर्षभन्दा अघि समयदेखि स्कूल, कलेज बन्द छन्।
