मिरिक, 26 जुलाई : शुक्रवार अपराह्न यहाँदेखि केही टाढ़ास्थित थर्पु चियाकमानको मालीधुरामा डब्ल्यूबी 76-4673 नम्बरको म्याक्स सवारी गाड़ी दुर्घटना हुँदा एक यात्रुको घटनास्थलमा नै मृत्यु हुनका साथै 14 जना यात्रु घाइते भएका छन्।
मिरिक पुलिस सूत्रका अनुसार मृतक यात्रुको नाम धनमति राई (65) हो। उनी नागरीनिवासी रहेको बताइएको छ। जानकारीका अनुसार उक्त वाहन नागरीबाट सिलगढ़ीतर्फ गइरहेको थियो। यसैबीच राङभाङ पुग्दा आज अपराह्न करिब 2:30 उक्त वाहन दुर्घटनाग्रस्त भएको पुलिसले बताएको छ। घाइते यात्रुहरूको स्थानीय मिरिक अस्पतालमा भर्ती गरिएको छ भने गम्भीर घाइते भएका केहीलाई सिलगढ़ी रेफर गरिएको बताइएको छ।
