नयाँ दिल्ली, २६ अगस्तः अल इन्डिया फुटबल फेडरेसन (एआईएफएफ)-माथि फिफाले लगाएको निलम्बन हटेको छ ।
फिफा काउन्सिलको ब्युरोले अल इन्डिया फुटबल फेडरेसनमाथि लागेको निलम्बनलाई हटाउने निर्णय गरेको हो ।
एआईएफएफमाथि लगाएको निलम्बन हटाउने फिफाले निर्णय गरेपछि अब पूर्व निर्धारित समयतालिकाअनुसार भारतमा विमेन्स अन्डर-१७ फुटबल वर्ल्ड कप हुने भएको छ । यो वर्ल्ड कप ११ देखि ३० अक्टोबरसम्म सम्पन्न हुनेछ ।
स्मरणरहोस्, एआईएफएफमा चुनावी किचलोबिच तेस्रो पक्षको अनावश्यक हस्तक्षेपका कारण फिफाले एआईएफएफलाई निलम्बन गरेको थियो ।
