कालेबुङ, 27 जनवरीः सोमवार साँझ टिस्टा पुलबाट एक युवकले नदीमा हाम फालेपछि बेपता बनेका छन्। यो घटना आज साँढ करिब 5:30 बजे भएको बताइएको छ।
आफूसँग रहेको ब्यागलाई पुलमा राखेर ती युवकले पुलबाट टिस्टा नदी हाम फालेका थिए।
ब्यागभित्र रहेको कागज-पत्रका अनुसार युवकको नाम सिलास राउतिया हो। उनी पूर्व डुवर्सको जिल्लास्थित 12 नम्बरनिवासी हुन्। ब्यागभित्र मोबाइल फोन, बाइबल, वस्त्र र डायरी प्राप्त भएका छन्।
प्रत्यक्षदर्शीहरूमार्फत् टिस्टा पुलिसले घटनाबारे जानकारी पाएको हो। बरामद मोबाइल फोनको सहयोगले युवकका परिवारसँग पुलिसले सम्पर्क गर्ने कोशिश गरिरहेको छ।
जानकारीका अनुसार भोलि टिस्टा-रङ्गीत उद्धार केन्द्रले भोलि टिस्टा नदीमा युवकको खोजी अभियान चलाउने जानकारी पाइएको छ।
