दार्जीलिङ, 27 जुलाईः रङ्ग्ली-रङ्लियट खण्डको रामपुरेस्थित खासमल बस्तीमा त्यहाँको रिभाइवल स्पोर्ट्स क्लबले आज वृक्ष रोपन र गाउँमा सेनिटाइजेशन कार्य गऱ्यो।
क्लबकी प्रमुख सोनिया राईका अनुसार छुट्टै राज्य गोर्खाल्याण्ड प्राप्तिका लागि आफ्नो बलिदान दिने शहीदहरूप्रति श्रद्धाञ्जली अर्पण गर्दै आज यस क्लबले रामपुरे खासमहल बस्तीमा वृक्ष रोपन र सेनिटाइजेशन कार्य गरेको हो।
उनका अनुसार आज क्लबका सदस्यहरूले सम्पूर्ण खासमल बस्तीमा सेनिटाइजेशन गर्नका साथै विभिन्न प्रजातिका सयभन्दा अधिक बिरुवा रोपे।
उल्लेखनीय रिभाइवल स्पोर्ट्स क्लबले स्थापनादेखि नै विभिन्न कार्य गर्दै आइरहेको छ।
