खरसाङ, 28 मई : दार्जीलिङका चर्चित गायक महेश सेवाको स्वरमा रहेको गीत बाबाको टोपीको म्युजिक भिडियो मङ्गलवार यूट्युबमार्फत् रिलिज भएको छ।
यो गीतका गीतकार गोविन्द हुमागाइँ (अमेरिका) हुन् भने गायक/सङ्गीतकार कर्मा ग्याल्छेन बम्जनले सङ्गीत भरेका छन्। काठमाडौंको पर्पर स्टेडियोमा रेकर्डिङ गरिएको यो गीतको भिडियो निर्देशन सोनाम पाखरिनले गरेका छन्।
आज रिलिज भएको यो गीतलाई केही घण्टाभित्रै 7 हजार 337 जनाले हेरिसकेका छन् भने हजारभन्दा अधिक लाइक प्राप्त भइसकेको छ।
उल्लेखनीय छ, गोविन्द हुमागाइँको शब्द रहेको यो बुलाकी गीति एलबमका कुल 9 वटा गीत छन्, जसमा महेश सेवालगायत उदय सोताङ, स्वरूपराज आचार्य, अञ्जु पन्त, कर्मा ग्याल्छेन बम्जन, मीना पोखरेल निरौला, विश्व नेपाल, बानिका प्रधान र रमेश कड़ेलजस्ता गायक-गायिकाहरूको स्वर छ।
रिलिज भएको केही घण्टामै बाबाको टोपी गीतको भिडियोले दर्शक/श्रोताहरूको राम्रो र उत्साहवर्द्धक माया पाउन थालेपछि गायक महेश सेवा धेरै उत्साहित बनेका छन्।
