कालेबुङ, 29 फरवरीः सेवक थानानजिक शनिवार एक अज्ञात वाहनले बाइकलाई धक्का दिँदा बाइक सवार युवकको मृत्यु भएको छ।
यो दुर्घटना आज बिहान भएको हो। सेवक पुलिस सूत्रका अनुसार एसके 04 पी 3396 नम्बरको बाइकलाई वाहनले ठक्कर दिएको कारण बाइक सवार युवकको मृत्यु भएको हो।
पुलिसका अनुसार मृतकको नाम अपूर्व तामाङ हो। मृतक तामाङ सिक्किमनिवासी बताइएको छ।
अर्कोतिर, बाइकलाई ठक्कर दिने वाहनबारे भने कुनै पत्तो नसकेको पुलिसले बताएको छ।
पुलिसले शवलाई आफ्नो कब्जामा लिएर पोस्टमर्टमका लागि उत्तर बङ्गाल मेडिकल कलेज एवं अस्पताल पठाइएको छ।
