खरसाङ, 30 जनवरीः सिमरिङमा एकजना 61 वर्षीय वृद्धलाई हात्तीले मारेको घटना प्रकाशमा आएको छ।
यो घटना आज बिहान करिब 9 बजी भएको बताइएको छ।
मृतकका नाम गान्धी तामाङ हो। उनी सिमरिङनिवासी हुन्।
जानकारीका अनुसार बिहान बारीमा काम गर्न उनी तिर्खा लागेका कारण पानी पिउन नजिकैको चिप्ले खोलामा जाँदा त्यहाँ हात्तीले उनलाई आक्रमण गरी मारेको हो।
तीनधारे आउटपोस्टका बड़ाबाबु सागर प्रधानले बताएअनुसार पुलिसले शवलाई आफ्नो अधीनमा लिएर पोस्टमर्टमका लागि पठाएको छ। यो घटनापछि क्षेत्रमा हात्तीको डर बढ़ेको छ।
