सिलगढ़ी ३० अगस्तः सालबारीनिवासी लेखक कमल गुरुङलिखित निबन्ध सङ्ग्रह सम्झनाका तरेलीहरूमा लोकार्पित भएको छ।
हिजो ३० अगस्त आइतबारका दिन यो पुस्तक मेथीबारीस्थित क्याफे दि ट्विन्समा एक कार्यक्रमबिच लोकार्पण गरिएको हो।
यस अवसरमा कवि ज्ञानेन्द्र खतिवडाको अध्यक्षता तथा भाषाशास्त्री श्रीमती डा. सुभद्रा सुब्बा (दाहाल)-को प्रमुख आतिथ्यमा सम्पन्न यस लोकार्पण कार्यक्रममा कवि मोहन ठकुरी, कवि भविलाल लामिछाने, साहित्यकार कालूसिंह रनपहेंली, कथाकार/चित्रकार सुवास छेत्री, कवि हेमन्त काफ्ले, समाजसेवी पूर्ण मगरलगायत अन्य उपस्थित थिए।
कार्यक्रममा प्रमुख अतिथि डा. सुब्बाकै करकलमबाट पुस्तकको लोकार्पण गरिएको थियो भने पुस्तकमाथि आफ्नो विचार पनि राखिन्।
