कोलकाता, 31 मार्च : भाजपा नेता मुकुल रायले बङ्गालमा गणतन्त्र नरहेको बताएका छन्। उनले भने, “बङ्गालमा एक समय गणतन्त्रका लागि आवाज उठाउने ममता ब्यानर्जीकै शासनमा आज बङ्गालमा गणतन्त्र छैन।”
शनिबार उत्तर 24 परगना जिल्लाको पतलामा एक चुनावी सभालाई सम्बोधन गर्दै मुकुलले भने, “ममता ब्यानर्जी स्वयंले वामपन्थीहरूको शासनकालमा बङ्गालमा गणतन्त्र बचाउनका लागि आन्दोलन गर्थिन्। उनले मसँग मिलेर गणतन्त्रका लागि सङ्घर्ष गरेकी थिइन्। तर आज तृणमूलको सरकारको शासनमा राज्यमा नै गणतन्त्र छैन।”
यी भाजपाका नेताको दाबीका अनुसार नोआपाड़ा विधानसभा उपचुनाउको समय मोहनपुर र शिउली ग्राम पञ्चायतमा आम मानिसहरूले आफ्नो भोट हाल्नै पाएनन्।
