नयाँ दिल्ली, ९ जुलाईः आईसीएसई बोर्डले भोलि ३ बजी परीक्षाफलको घोषणा गर्नेछ। दशौं र बाह्रौं दुवै बोर्ड परीक्षाको परिणाम घोषणा गरिने बताइएको छ।
आईसीएसईले आज आफ्नो वेबसाइटमार्फत् यसबारे जानकारी गराएको छ।
परीक्षा फल आईसीएसई परिषद्को वेबसाइट cisce.org र results.cisce.org –मा उपलब्ध रहनेछ। त्यसैगरी परिषद्को पोर्टल CAREERS र एसएमएसमार्फत् पनि विद्यार्थीहरूले आ-आफ्ना परीक्षाफल जान्न सक्नेछन्।
मार्च महिनामा कोरोना भाइरसका कारण १९ देखि ३१ मार्चसम्म निर्धारित परीक्षालाई आईसीएसई परिषद्ले स्थगित गरेको थियो। कोरोना भाइरसको बढ़्दो सङ्क्रमणका कारण स्थगित परीक्षा पुनः सम्पन्न गराउन सम्भव भएको थिएन।
त्यसैले परिषद्ले केही दिनअघि थाँतीमा रहेका परीक्षाहरूलाई रद्द गरेको घोषणा गर्दै विद्यार्थीहरूलाई आन्तरिक मूल्याङ्कनको आधारमा अङ्क दिने बताएको थियो।
स्रोतः एनडीटीभी
