खरसाङ, २१ जनवरी : सोमबार बिहान खरसाङ नजिक रोहिणी रोडमा वाहन दुर्घटना हुँदा ९ जना यात्रु घाइते भएका छन्। खरसाङ पुलिसका अनुसार आज बिहान दार्जीलिङबाट सिलगढ़ीतर्फ गइरहेको पिकअप भ्यान दुर्घटनामा परेको हो। दुर्घटनामा परेको उक्त पिकअप भ्यान मूल सड़कबाट लगभग २०० फुट तल झरेको थियो।
पुलिसका अनुसार वाहनमा चालकलगायत ९ जना यात्रु सवार थिए। उनीहरू सबै घाइते भएका छन्। जसमध्ये तीनजनाको अवस्था गम्भीर छ। गमन्भीर घाइते भएका तीनजना यात्रुलाई उत्तर बङ्गाल मेडिकल कलेज एवं अस्पतालमा रेफर गरिएको छ भने अन्य ६ जना यात्रु खरसाङ महकुमा अस्पतालमा उपचाराधीन छन्।
