गान्तोक, 25 सेप्टेम्बरः सिक्किममा आज एकैदिनमा कोरोना भाइरसका 95 नयाँ मामिला थपिएका छन्। आज सङ्क्रमित हुनेहरूमा राज्यका मन्त्री सोनाम लामा र गान्तोक नगरनिगमका मेयर शक्ति सिंह चौधरी पनि सामेल छन्।
जानकारीका अनुसार कोरोना सङ्क्रमित रहेको पुष्टि भएका मन्त्री लामा र मेयर चौधरी होम आइसोलेशनमा छन्।
अर्कोतिर आज 95 नयाँ मामिला थपिएसँगै राज्यमा कुल कोरोना सङ्क्रमित सङ्ख्या 2,704 पुगेको छ, जसमध्ये 1,994 जना स्वस्थ भएर आ-आफ्नो घर फर्किसकेका छन्। अहिले राज्यमा कोरोना भाइरसको एक्टिभ केस 679 रहेको छ।
