गान्तोक, 6 अक्टोबरः सिक्किममा कोरोना सङ्क्रमित थप तीनजनाको आज मृत्यु भएको छ। मृत्यु हुनेहरूमा दुइजना महिला र एकजना पुरुष छन्।
जानकारीका अनुसार आज गान्तोक डीपीएचनिवासी 57 वर्षीय महिला, आरिथाङनिवासी 67 वर्षीय महिला र जितलाङनिवासी एक स्वास्थ्यकर्मीको कोरोनाका कारण मृत्यु भएको छ।
यसँगै राज्यमा कोरोनाका कारण मृत्यु हुनेहरूको कुल सङ्ख्या 49 पुगेको छ।
अर्कोतिर आज राज्यमा कोरोना भाइरसका 26 नयाँ मामिला थपिएको छ।
