दार्जीलिङ, 9 नोभेम्बरः विमल गुरुङपन्थी गोजमुमो समर्थित गोर्खा प्राथमिक शिक्षक सङ्गठन (जीपीटीओ) पुनर्गठन भएको छ।
मारवाड़ी भवनमा आयोजित आजको सभामा विभिन्न सर्कलका शिक्षक-शिक्षिकाहरू उपस्थित थिए। सभालाई जीटीएका पूर्व अध्यक्ष राजेन थापाले अध्यक्षता गरेका थिए भने यसअवसरमा जीपीटीओका संस्थापक सदस्य उमेश मुखिया, सुरेन राईलगायत गोजमुमो केन्द्रिय सदस्य सञ्जीव लामा उपस्थित थिए।
आजको सभामा जीपीटीओ गठन गर्दै प्रमुख संयोजकका रूपमा राजेन थापालाई चयन गरिएको छ।
त्यसैगरी बिजनबारी सर्कलबाट अरुण दुराल, दार्जीलिङ शहरी क्षेत्रबाट नकुल प्रधान, सोनादा सर्कलबाट मगेन्द्र थापा, पोख्रेबुङ स्वाधीन माले, सदर सर्कलबाट सत्यपाल राई, खरसाङ सर्कलबाट सुधीर रसाइली, तीनधारे सर्कलबाट वीरेन्द्र सिंह, सुकना सर्कलबाट दुर्गा शर्मा, नागरी-धजे सर्कलबाट आर.एन. शर्मा, सुकेपोखरी सर्कलबाट रमेश बस्नेत, आरआर सर्कलबाट निमा लेप्चा, लोधोमा सर्कलबाट नवीन प्रधानलाई संयोजकका रूपमा चयन गरिएको छ।
