गान्तोक, 21 नोभेम्बरः वैश्विक कोरोना सङ्कटकाल शुरू भएपछि राज्यको पहिलो सरकारी सार्वजनिक कार्यक्रमको रूपमा आजदेखि दक्षिण सिक्किमको तिमी चिया बगानमा तिमी अटम कार्निभल 2020 आरम्भ भएको छ।
आउँदो 23 नोभेम्बरसम्म चल्ने यस तीनदिने पर्यटन महोत्सवको शनिबार उद्घाटन समारोहमा सिक्किम सरकारका पर्यटन मन्त्री बीएस पन्त मुख्य अतिथि थिए।
महोत्सवको पहिलो दिन आज विविध सांस्कृतिक कार्यक्रम प्रस्तुत गरियो, जसमा राज्यका विभिन्न स्थानबाट आएका कलाकारहरूले नृत्य र साङ्गीतिक प्रस्तुत गरेका थिए।
यसका साथै घोड़ा सवारी र हेलिकप्टर जोय राइड पनि आजको प्रमुख आकर्षण रहेका थिए।
