गान्तोक, 5 दिसम्बरः पछिल्लो डेढ़ दशकदेखि पश्चिम जिल्लाबाट एक स्वतन्त्र पत्रकारका रूपमा पत्रकारिता गरिरहेका युवा पत्रकार सरोज गुरुङलाई वर्ष 2020-को ग्रामीण पत्रकारिता पुरस्कारद्वारा सम्मानित गरिने भएको छ।
आज (शनिबार) जोसेफ लेप्चाको अध्यक्षतामा बसेको प्रेस क्लब अव् सिक्किमको कार्यकारी समितिको बैठकमा उनको नाम चयन गरिएको छ।
आउँदो 12 दिसम्बर 2020-का दिन सिक्किम सरकारको सूचना तथा जनसम्पर्क विभागद्वारा आयोजन गरिने राष्ट्रिय प्रेस दिवसमा उनलाई राज्यका मुख्यमन्त्रीको बाहुलीबाट पुरस्कृत गरिने प्रेस क्लबले जनाएको छ।
उनलाई नगदराशि, प्रशस्ति-पत्र र स्मृति चिह्नद्वारा सम्मानित गरिनेछ।
