दार्जीलिङ, 11 दिसम्बरः क्रान्तिकारी मार्क्सवादी कम्युनिस्ट पार्टी (क्रामाकपा)-ले आज दार्जीलिङ बजारमा पोस्टरिङ गर्नका साथै जनसम्पर्क कार्यक्रम पनि गऱ्यो।
क्रामाकपाले आफ्नो 24औँ स्थापना दिवस कार्यक्रमलाई केन्द्र गरी आज शेखर छेत्रीको नेतृत्वमा दार्जीलिङ बजारमा पोस्टरिङ र जनसम्पर्क कार्यक्रम गरेको हो।
आजको कार्यक्रमा छेत्रीलगायत सुनिल राई, राजु मोक्तान, अशोक गजमेर, नवीन तामाङ, सुधन दाहाल, रमेश खाती, रमेश छेत्री र रमेश प्रधान तथा अन्य उपस्थित थिए।
उल्लेखनीय छ, आउँदो 15 दिसम्बरका दिन क्रामाकपाले आफ्नो 24औँ स्थापना दिवस कार्यक्रम गर्दैछ। यस स्थापना दिवस कार्यक्रमलाई भव्य र सफल बनाउन अहिले पहाड़का विभिन्न ठाउँमा क्रामाकपाले पोस्टरिङ र जनसम्पर्क कार्यक्रम गरिरहेको छ।
