गान्तोक, 28 जनवरीः वर्ष 2021-को तुलसी `कश्यप´ स्मृति पुरस्कारका लागि साहित्यकार तथा भाषाविद् डा. गोकुल सिन्हाको पुस्तक वसुधैव कुटुम्बकम्-लाई चयन गरिएको छ।
तुलसीराम शर्मा `कश्यप´ प्रतिष्ठान, सिक्किमले प्रत्येक वर्ष अर्पण गर्दै आएको तुलसी `कश्यप´ स्मृति पुरस्कार यस वर्ष डा. गोकुल सिन्हाको कथा सङ्ग्रह `वसुधैव कुटुम्बकम्´-लाई दिइने निर्णय गरिएको हो।
पुरस्कारमा प्रशस्ति-पत्र, स्मृति चिन्ह र नगदराशि रु. 51,000 रहेको छ।
आउँदो 11 फरवरी 2021-का दिन नेपाली साहित्य परिषद् सिक्किम र तुलसीराम शर्मा `कश्यप´ प्रतिष्ठानद्वारा आयोजन गरिने तुलसी `कश्यप´ जयन्ती-मा डा. गोकुल सिन्हालाई अर्पण गरिने प्रतिष्ठानका समन्वयक डिल्लीप्रसाद अधिकारीद्वारा जारी विज्ञप्तिमा उल्लेख गरिएको छ।
