कालेबुङ 3 फरवरीः आज बिहानै 27 माइलको ड्याममा युवतीको शव बरामद गरिएको छ।
टिस्टारङ्गीत उद्धार केन्द्र र रम्बी पुलिस 27 माइलको ड्याममा पुगेर शवलाई निकालिइएको छ।
पछिल्लो आइतबार टिस्टा नदीमा डब्ल्यूबी 02 वाई 8565 नम्बरको अल्टो वाहन खस्दा बेपत्ता बनेका यात्रुहरूको खोजीकार्यको क्रममै उक्त अज्ञात युवतीको शव आज बिहानै बरामद भएको हो।
युवतीको उमेर 25-30 बीच रहेको बताइएको छ।
टिस्टारङ्गीत उद्धार केन्द्रकी शान्ति राईले बताएअनुसार शव करिब दश-पन्ध्र दिन पुरानो हो।
रम्बी पुलिसले शवलाई आफ्नो कब्जामा लिएको छ भने पोस्टमर्टमका लागि पठाइने जानकारी पाइएको छ।
