सिलगढ़ी, 16 फरवरीः दार्जीलिङका सांसद राजु बिष्टले आज सिलगढ़ीमा सिक्किमका मुख्यमन्त्री पीएस गोलेसँग भेटवार्ता गरे।
स्वयं बिष्टले यसबारे जानकारी गराएका छन्।
उनका अनुसार भेटवार्ता अत्यन्त सौहार्द्धपूर्ण र रमाइलो भएको थियो।
यसका साथै दार्जीलिङका सांसदले सिक्किमका मुख्यमन्त्रीको नम्रता र दर्शनको प्रशंसा गर्दै मुख्यमन्त्री गोलेले सिक्किमका जनताको भलाइका लागि कार्य गरिरहेको बताएका छन्।
‘भारतभरि छरिएर बसेका हाम्रा जनताको थप राम्रो र उज्ज्वल भविष्य सुनिश्चित गर्न र क्षेत्रको उत्थानका लागि गोलेजीसँग मिलेर काम गर्ने आशा गर्दछु’, बिष्टले भनेका छन्।
