दार्जीलिङ, ६ मार्चः अखिल भारतीय गोर्खा लीग भारती गुटले पहाड़का तीनैवटा आसनका लागि उम्मेदवारको घोषणा गरेको छ।
भारती गुट गोर्खा लीगले दार्जीलिङबाट निमा ग्याम्छो शेर्पा, कालेबुङबाट उज्ज्वल राई र खरसाङबाट विक्रमादि राईलाई उम्मेदवार बनाएको छ।
पार्टी प्रमुख भारती तामाङले यी तीनैजनाको नामको घोषणा गर्दै शुभकामना पनि दिएकी छन्।
यसअवसरमा पार्टी महासचिव एसपी शर्मा र अन्य पनि उपस्थित थिए।
उल्लेखनीय छ, केही दिनअघि मात्र गोर्खा लीग भारतीय गुटले पहाड़का तीनैवटा आसनमा आफ्ना उम्मेदवार खड़ा गर्ने घोषणा गरेको थियो।
