दार्जीलिङ, 29 अप्रेलः दार्जीलिङ पहाड़मा पछिल्ला केही दिनयता कोरोना सङ्क्रमण लगातार बढ़िरहेको छ।
आज दार्जीलिङ नगरपालिका क्षेत्रबाट 14, सुकनाबाट 7, खरसाङ नगरपालिका क्षेत्रबाट 14, मिरिकबाट 11, मिरिक नगरपालिका क्षेत्रबाट 2, बिजनबारीबाट 11, र तकदाबाट 2 नयाँ मामिला पुष्टि भएका छन्।
दार्जीलिङ जिल्लामा आज कुल 356 नयाँ मामिला पाइएको छ, जसमा दार्जीलिङ जिल्लाअन्तर्गत पर्ने सिलगढ़ी नगरनिगमका वार्डहरूबाट 198, खोरीबारीबाट 2, मतिगढ़ाबाट 48, नक्सलबारीबाट 31 र फाँसीदेवाबाट 4 मामिला रहेका छन्।
यसैगरी आज विभिन्न अस्पताल र होम आइसोलेशनबाट गरी कुल 62 जना निको भई छुट्टी पाएका छन्।
अर्कोतिर कालेबुङ जिल्लामा आज 36 नयाँ मामिला थपिएका छन्।
