सिलगढ़ी, 17 मईः प्रधान नगर थानाअन्तर्गत चम्पासरी बरतला क्षेत्रमा चितुवाको आक्रमणमा तीनजना घाइते भएको घटना प्रकाशमा आएको छ। उक्त चितुवा स्थानीयनिवासी नैनसिंह छेत्रीको घरभित्र पसेका छन्, जसलाई पक्रनका लागि वनविभागका कर्मीहरूले कोशिश गरिरहेका छन्।
घाइतेहरूलाई तत्कालै उपचारका लागि अस्पताल लगिएको बताइएको छ। घरका मालिक नैनसिंह छेत्रीले बताएअनुसार बिहानको करिब 10:30 बजी घरभित्र चितुवा पसेको हो।
उनका अनुसार उक्त चितुवाको आक्रमणमा तीनजना घाइते भएका छन्। यो समाचार लेखुञ्जेलसम्म वन विभागका कर्मीहरूले घरभित्र रहेको उक्त चितुवालाई समात्ने कोशिश गरिरहेका थिए।
विस्तृत समाचारका लागि प्रतीक्षा साँच्नुहोला..
