रोम, 12 जूनः शुक्रबार मध्यरातिबाट युरो कप 2020 शुरू भएको छ। उद्घाटनी खेलमा इटालीले टर्कीमाथि 3-0 –को सहज जीत दर्ता गरेको छ।
यो खेल इटालीको राजधानी रोममा खेलिएको थियो। इटालीका लागि सिरो इमोबिल र इन्सिग्ने एक-एक गोल गरे। त्यसैगरी एक गोल उपहारमा पाएको थियो।
खेलभरि इटालीको ढलीमली रहे तापनि पहिलो हाफ गोलरहित सकिएको थियो। यद्यपि दोस्रो हाफ शुरू भएलगत्तै खेलको 53औँ मिनटमा टर्कीका स्टार डिफेन्डर मेरिय डेमिरलले आत्मघाती खोल गरे।
त्यसपछि स्टार स्ट्राइकर सिरो इमोबिलले 66औँ र इन्सिग्नेले 79औँ मिनटमा एक-एक गोल गरेपछि इटालीले टर्कीमाथि 3-0 सहज जीत हात पारेको हो।
इटाली र टर्की समूह ‘ए’ –मा छन्। यो समूहमा अर्का दुई टिम स्वीट्जरल्यान्ड र वेल्स छन्। आजै बेलुकी वेल्स र स्वीट्जरल्यान्ड भिड़्दैछन्। यो खेल भारतीय समयअनुसार बेलुकी 6.30 बजीदेखि शुरू हुनेछ।
