खरसाङ, 16 जुलाईः गोर्खा जनमुक्ति मोर्चा (गोजमुमो)-दुईका कार्यवाहक अध्यक्ष अनित थापा बनेका छन्।
पार्टीका महासचिव रहेका अनित थापालाई आज खरसाङमा सम्पन्न केन्द्रीय समितिको बैठकमा कार्यवाहक अध्यक्ष बनाइएको हो।
उल्लेखनीय छ, हिजो विनय तामाङले पार्टीका अध्यक्ष पदसँगै साधारण सदस्यबाटै राजीनामा दिएपछि आज मोर्चा दुईको केन्द्रीय समितिको आपत्कालीन सभा खरसाङ नयाँ बजारस्थित कम्युनिटी हलमा हुँदैछ।
यसै सभाबिच थापालाई पार्टीका कार्यवाहक अध्यक्ष पदमा चयन गरिएको हो। पार्टीले अध्यक्षको चयन नगरेसम्म महासचिव र कार्यवाहक अध्यक्ष दुवै पदमा अनित थापा पनि बताइएको छ।
केन्द्रीय समिति सदस्य डीके प्रधानले अनित थापाको नामलाई कार्यवाहक अध्यक्षका लागि प्रस्ताव गरेका थिए भने सभामा उपस्थित सदस्यहरूले उनको नामलाई समर्थन जनाए।
समयानुकूल समाचारहरु पढन पाईन्छ। राम्रो लाग्यो जनसंवाद पोर्टल। उत्तरोत्तर प्रगतिको कामना गर्दछु। धन्यबाद।