सिलगढ़ी, २७ अगस्तः सिटोङ ग्राम पञ्चायत ३ अन्तर्गत सिन्कोना बगानमा पतिले पत्नीको शिर काटेर सङ्घारमा झुण्डाएको नृशंस घटना प्रकाशमा आएको छ।
पुलिसका अनुसार यो घटना आज राति भएको हो।
सेवक थानाका पुलिस अधिकारी दालिम अधिकारीले बताएअनुसार हत्या आरोपित पति अम्बर राई (५०)-लाई पुलिसले पक्राउ गरेको छ। मृतक पत्नीको नाम विनय राई (४६) हो।
हत्यारा पति मानसिक रूपले केही अवस्था रहेको पनि पुलिसको भनाइ छ। उनीहरूका तीनजना छोरा-छोरी रहेका छन्। तर, घटनाको समयमा घरमा छोरा-छोरी कोही पनि थिएनन्।
मृतक पत्नीको शवलाई पोस्टमर्टमका लागि उत्तर बङ्गाल मेडिकल कलेज एवं अस्पताल पठाइने उनले जानकारी गराएका छन्।
