दार्जिलिङ, ३० अगस्तः नेपाली सङ्गीत जगतका ध्रुव तारा वाग्येकार गोपाल योञ्जनको सालिकको अनावरण गरिएको छ।
स्थानीय भानु भवनअघिल्तिर स्थापित गरिएको यो सालिक आज एक कार्यक्रमबिच अनावरण गरिएको हो। कार्यक्रममा प्रमुख अतिथि रहेका वरिष्ठ साहित्यकार/आध्यात्मिक चिन्तक कृष्णचन्द्रसिंह मोक्तानको करकलमबाट सालिक अनावरण गरिएको थियो।
गोपाल योञ्जन प्रतिष्ठान दार्जिलिङको तत्परतामा सालिक स्थापना गरिएको हो। यो सालिक प्रसिद्ध मूर्तिकार अमिर सुन्दासले बनाएका हुन्।
वाग्येकार गोपाल योञ्जनको सालिक अनावरणको यस महत्त्वपूर्ण कार्यक्रममा धेरै विशिष्ट व्यक्तिहरूका गरिमामय उपस्थिति रहेको थियो।
पूर्वार्धको कार्यक्रम सकिएपछि उत्तरार्धको कार्यक्रम गोर्खा रङ्गमञ्चमा सम्पन्न भएको थियो।
