मुम्बई, २ सेप्टेम्बरः अभिनेता एवं बिग बोस १३ का विजेता सिद्धार्थ शुक्लाको निधन भएको छ। उनी ४० वर्षका थिए।
आज बिहान उनको मृत्यु भएको बताइएको छ।
जानकारीका अनुसार हृदयाघातका कारण सिद्धार्थ शुक्लाको निधन भएको हो।
उनको शव मुम्बईको कुपर अस्पतालमा राखिएको छ। त्यहीं शवको पोस्टमर्टम गरिने बताइएको छ।
धारावाहिक बालिका बधु-मार्फत् उनले लोकप्रियता प्राप्त गरेका थिए।
१२ दिसम्बर १९८० जन्मेका सिद्धार्थ शुक्लाले टिभी शो बाबुल का छुटे ना-बाट उनले अभिनेता करिअरको थालनी गरेका थिए। यसमा उनी मुख्य भूमिका थिए।
त्यसपछि उनले जाने पहचाने से ये अजनबी, लभ यू जिन्दगी जस्ता टिभी शोमा पनि उनी खेले।
यति मात्र होइन रियालिटी शो, झलक दिखलाजा-६ , खतरों का खिलाड़ी-७ र बिग बोस-१३ मा पनि देखिए।
२०१४ मा उनले करण जोहरको फिल्म हम्पटी शर्मा की दुल्हनियाँ– मार्फत् बलिवुडमा डेब्यु गरेका थिए।
