कालेबुङ, २६ सेप्टेम्बरः पाँचदिने कालेबुङ भ्रमणमा रहेका अजय एड्वर्ड्सले प्रतिदिन मानिसहरूलाई भेटघाट गरिरहेका छन्।
उनले यसअवसरमा विशेषगरी कालेबुङका विभिन्न क्षेत्रका जनता तथा सामाजिक सङ्गठनका प्रतिनिधिहरूसँग भेट गरिरहेका छन्।
यसै क्रमलाई निरन्तरता दिँदै आज अजय एड्वर्ड्सले शहीद गङ्गा माया विश्वकर्माका परिवारसँग भेटघाट गरे। कालेबुङको सिन्देबुङ जोरपानीनिवासी शहीद गङ्गामाया विश्वकर्मका परिवारसँग भेट गर्नका साथै शहीदवेदी पुगेर श्रद्धाञ्जली अर्पण गरे।
यसैगरी उनले आज ८६-को आन्दोलनका प्रख्यात जङ्गी नेता छत्रे सुब्बासँग भेट गरी आशीर्वाद लिए।
अर्कोतिर आज उनले स्व. विदुर राईका परिवारलगायत त्यहाँ युवाहरूसँग पनि भेटघाट गरेका छन्।
