सिलगढ़ी, २४ अक्टोबरः मुख्यमन्त्री ममता ब्यानर्जीको कार्यक्रममा आज अनित थापा उपस्थित भए।
यसै कार्यक्रममा मुख्यमन्त्री र अनित थापा भेट भए। पछिल्लो चुनाउपछि उनीहरू दुईबिच पहिलोपटक भेट भएका हुन्।
सिलगढ़ीको बाघजतिन पार्कमा आयोजित विजय सम्मिलिनी कार्यक्रममा पहाड़का नेतृत्वहरूमध्ये अनित थापाको मात्र उपस्थिति थियो। यस कार्यक्रममा मुख्यमन्त्रीको विशेष उपस्थिति रहेको थियो।
मुख्यमन्त्रीको कार्यक्रममा भारतीय गोर्खा प्रजातान्त्रिक मोर्चा (भागोप्रमो)-का अध्यक्ष अनित थापा मात्र उपस्थिति हुनुले जीटीएलाई लिएर अड़कलबाजी शुरू भएको छ।
आज उत्तर बङ्गालको चारदिने भ्रमणका लागि सिलगढ़ी आइपुगेकी मुख्यमन्त्री २६ अक्टोबरका दिन पहाड़ चढ़्नेछिन्। यसै दिन उनले खरसाङको नयाँ बजारस्थित कम्युनिटी हलमा दार्जिलिङ र कालेबुङको प्रशासनिक बैठक गर्छिन्।
