कालेबुङ, २७ अक्टोबरः विमल गुरुङलाई कालेबुङबाट थप अर्को ठूलो झट्का लाग्दैछ।
आज कालेबुङ जिल्ला समितिका महासचिव तोप्देन भोटियाले गोजमुमोबाट राजीनामा दिँदैछन्।
पार्टीभित्र मनमुटाउ भएकै कारण उनले मोर्चा छाड़्ने भएका हुन्।
आज ११ बजे स्थानीय उनले सिलवर ओक्समा पत्रकारहरूलाई सम्बोधन गर्नेछन्, जहाँ राजीनामा दिनुका कारण खुलाउनेछन्।
“राजीनामा दिनुका धेरै कारण छन्”, उनले जनसंवादसँग टेलिफोनिक कुराकानीमा भने, “पत्रकार सम्मेलनमै सबै कारण बताउनेछु।”
केही दिनअघि मोर्चाका दुई कर्मठ युवा कार्यकर्ता वीरेन भुजेल र सुपेन्द्र प्रधानले राजीनामा दिएका थिए।
यसरी एकपछि अर्का राजीनामा मोर्चाभित्र धेरै कुरा ठीक नचलिरहेको स्पष्ट भएको छ।
