गान्तोक, १३ नोभेम्बरः प्रेस क्लब अव् सिक्किमद्वारा बर्सेनि प्रदान गरिने ग्रामीण पत्रकारिता पुरस्कार यस वर्ष किसन छेत्रीलाई प्रदान गरिनेछ।
प्रेस क्लब अव् सिक्किमका अनुसार यस वर्ष पुरस्कारका लागि छेत्रीलाई चयन गरिएको हो।
२००६ देखि समय दैनिक समाचारबाट पत्रकारिता शुरू गरेका किसन छेत्री पश्चिम सिक्किमको मङ्गलबारेनिवासी हुन्।
पछिल्लो १५ वर्षदेखि उनी नाम्चीबाट एक संवाददाताका रूपमा ग्रामीण भेकका मानिसहरूले भोग्दै आइरहेका विविध समस्यालाई उजागार गर्दै आइरहेका छन्।
हाल उनी हिन्दुस्तान समाचार र एसके लाइभसँग जोड़िएर कार्य गर्दै आइरहेका छन्।
