नयाँ दिल्ली, ८ दिसम्बरः हेलिकप्टर दुर्घटना चिफ अव् डिफेन्स स्टाफ (सीडीएस) विपिन रावतको निधन भएको छ।
आज तमिलनाडुको कुन्नुरमा हेलिकप्टर दुर्घटना हुँदा रक्षा प्रमुख रावतको मृत्यु भएको हो। हेलिकप्टरमा रावतकी पत्नी मधुलिका रावतसहित १४ जना सवार थिए।
प्रधानमन्त्री नरेन्द्र मोदी, गृहमन्त्री अमित शाह एवं रक्षा मन्त्री राजनाथ सिंह, कङ्ग्रेस नेता राहुल गान्धीसहित अन्यले उनीहरूले निधनप्रति दुःख प्रकट गरेका छन्।
आज अपराह्न वेलिङ्टनमा एक कार्यक्रममा सहभागी बनी कुन्नुर फर्किरहेको समय रावत चढ़ेको एमआई-१७भी-५ हेलिकप्टर दुर्घटनामा परेको हो।
यस दुर्घटनामा १४ मध्ये १३ जनाको मृत्यु भएको बताइएको छ।
उल्लेखनीय छ, हेलिकप्टरमा सीडीएस विपिन रावत, उनकी पत्नी मधुलिका, ब्रिगेडियर एलएस लिद्दर, लेफ्टिनेन्ट कर्नल हरजिन्दर सिंह, नायक गुरसेवक सिंह, नायक जीतेन्द्र कुमार, लान्स नायक बी. साई तेजा र हवलदार सतपाल सवार थिए।
