सिलगढी, ७ फरवरीः दार्जिलिङ नगरपालिकाको चुनाउमा सत्तारूढ तृणमूल कङ्ग्रेसले केवल १० वार्डमा चुनाउ लड्नेछ।
चुनाउ लड्ने यी १० वटै वार्डका उम्मेदवारहरूका नामको आज घोषणा गरिएको छ।
आज सिलगढीमा पत्रकार सम्मेलनको आयोजन गरी तृणमूल नेता एवं राज्यका मन्त्री अरूप विश्वासले यसबारे जानकारी गराउँदै उम्मेदवारहरूका नामको घोषणा गरेका हुन्।
साथै यी १० वटै वार्डमा चुनाउ जित्ने पनि उनले ठोकुवा गरे।
अरूप विश्वासले जानकारी गराएअनुसार दार्जिलिङ नगरपालिका चुनाउमा तृणमूल कङ्ग्रेसले वार्ड नम्बर २, ५, ८, १३, १४, १८, २०, २५, ३१ र ३२ मा चुनाउ लड्नेछ।
तृणमूल कङ्ग्रेसले खडा गरेका उम्मेदवारहरूमा वार्ड नम्बर २-बाट सोनाम वाङ्चु, वार्ड नम्बर ५ बाट सञ्जय गुरुङ, वार्ड नम्बर ८ बाट सान्डुप शेर्पा, वार्ड नम्बर १३-बाट मिलन डुक्पा, वार्ड नम्बर १४-बाट लाक्पा नर्बु शेर्पा, वार्ड नम्बर १८-बाट गणेश सार्की, वार्ड नम्बर २०-बाट डोमा भोटिया, वार्ड नम्बर २५-बाट लक्की डोमा यल्मो, वार्ड नम्बर ३१-बाट छुङछुङ भोटिया र वार्ड नम्बर ३२-बाट जितेन कुमार सुन्दास रहेका छन्।
