नयाँ दिल्ली, ४ मार्चः अस्ट्रेलियाका दिग्गज क्रिकेटर एवं विश्वकै महान् लेग स्पिनर शेन वर्नको निधन भएको छ।
उनी ५२ वर्ष पुगेका थिए।
हृदयघातका कारण वर्नको निधन भएको आशङ्का गरिएको छ। यी लिजेन्डरी स्पिनर थाइल्यान्डमा थिए।
१३ सेप्टेम्बर १९८९ मा जन्मेका शेन वर्न आफ्नो १५ वर्ष लामो अन्तर्राष्ट्रिय क्रिकेट करियरमा १४५ टेस्ट म्याच खेलेर ७०८ विकेट लिएका छन्। त्यसैगरी १९४ एकदिने म्याचमा २९३ विकेट प्राप्त गरेका छन्।
१९९९ र २००३ –मा अस्ट्रेलियाले क्रिकेट वर्ल्ड कप जित्दा शेन वर्न टिमका सदस्य मात्र थिएनन् तर वर्ल्ड कप जिताउन महत्त्वपूर्ण योगदान पनि दिएका थिए।
-फक्स क्रिकेट
