दार्जिलिङ, ८ अप्रेलः पुल बिजनबारी खण्डअन्तर्गत कैजले बजारमा भीषण आगलागी हुँदा चारवटा घर जलेर स्वाहा भएको छ।
यो घटना बिहीबार राति करिब १.३० बजे भएको बताइएको छ।
जानकारीका अनुसार कैजले बजारको लोधोमा रोडमा भाडाको घरमा बस्दै आएकी प्रमिला राईको घरमा अचानक लागेको आगोले उग्र रूप लिँदा छेवैमा छिमेकी रामबहादुर छेत्री, योगेश छेत्री र सञ्जीव राई र इन्द्र कुमार रोकाको घर पनि जलेका छन्।
यो घटनामा चारै परिवारका लाखौँको सम्पत्ति स्वाहा भएको छ।
बिजनबारी अग्निशमन विभागका कर्मीहरू खबर पाएलगत्तै घटनास्थलमा पुगेर स्थानीय मानिसहरूका सहयोगमा त्वरित आगो निभाउने कार्य गरेकाले थप अन्य घरहरू आगोको चपेटमा आउनदेखि बचेका थिए।
